LONDON, REINO UNI, AFP.- Djaluna Korte penal Internashonal (ICC) a haña mas rekurso finansiero i tékniko di 40 pais pa sigui ku e investigashonnan riba krímennan di guera na Ukrania, tres dia despues ku a emití un òrdu di detenshon kontra presidente ruso, Vladimir Putin.
“Despues di e akusashon di presidente Putin djabièrnè, ta importante pa nos mustra sosten na e konsepto di ICC”, asina Dominic Raab a bisa, e minister britániko di hustisia, na final di e konferensia kaminda ministernan di hustisia a reuní i tambe representantenan di kuarenta pais.
Raab a añadí ku a kolektá 5 mion dòler i tambe sosten no finansiero i tékniko na fabor di e akshon di ICC na Ukrania.
E korte ta investigando posibel krímennan di guera i kontra Humanidat kometé desde 24 di febrüari 2022, dia ku Rusia a lansa su invashon na Ukrania.
Reino Uní, Ulanda i Union Europeo ta entre e paisnan ku a reforsá nan sosten finansiero.