BEIJING, CHINA, AFP.- Importashonnan di petroli ruso a oumentá ku 55% na China, meimei di sanshonnan di oksidente kontra Rusia pa e invashon den Ukrania, segun datonan ofisial publiká djaluna.
E segundo ekonomia mundial a importá 8.42 mion tonelada di petroli, superando importashonnan di krudo di Saudi Arabia, kual ta e proveedor di mas grandi di China.
Siman pasá, presidente chines Xi Jinping a garantisá su sosten na kuestionnan di “soberania” i “seguridat” na e mandatario ruso Vladimir Putin.
E datonan a wòrdu publiká despues di kasi kuater luna di guera. Otro paisnan ta evitá di kumpra hidrokarbon ruso.
E sifra ta 5,44 mion tonelada mas ku e importashonnan di mei 2021, segun Duana.
E luna aki, medionan estatal a afirmá ku China ta dispuesto na “intensifiká e koordinashon stratégiko” entre e dos paisnan.
Kremlin a informá ku e dos lidernan a akordá pa oumentá e koperashon ekonómiko apesar di e sanshonnan “ilegal” imponé pa oksidente.
Paisnan oksidental a adoptá sanshonnan sin presedente kontra Rusia pa motibu di e invashon di Ukrania. Moscow ta buskando merkadonan i proveedornan nobo pa remplasá empresanan estranhero ku a bandoná e pais.