MUMBAI, INDIA, AP.- Por lo ménos 10 persona a fayesé djamars despues ku un edifisio residensial di 4 piso a kolèps den besindario di Mumbai, e kapital finansiero i di espektákulo di India. Ekiponan di reskate ta buskando vários persona ku posiblemente ta pega entre e ruinanan di e edifisio.
Ekiponan di reskate desplasá pa e zona di e insidente, den bario Dongri, un zona residensial den e siudat, a saka nuebe persona na bida for di e ruinanan i a wòrdu trasladá pa un hospital, segun bombero Ashok Talpade.
E edifisio ta keda riba un kaya den un zona hopi transitá, kual a kompliká e proseso pa manda mashin pisa, segun Talpade, kende a agregá ku polis ta usando kachónan pa haña mas víktima.
“E edifisio a kai ku un zonido fuerte. Nos a pensa ku ta un temblor”, asina un residente den e zona a bisa na e kanal di televishon New Delhi Television.
E struktura tabatin 100 aña bieu i tabatin 15 famia bibando den esaki. Outoridat a pidi e famianan pa bandoná e edifisio, pero a sigui biba einan, asina el a señalá.
