LOS ANGELES, MERKA, AFP.- Desénas di personanan a wòrdu reskatá e siman aki pa tripulantenan di helikòpternan di National Guard den Parke Nashonal di Yellowstone, na Merka. Inundashonnan a asotá gran parti di e reserva ambiental aki.
Durante tres dia, unidatnan di National Guard di estado di Montana a mobilisá rápidamente pa reskatá 87 persona ku a keda aislá pa riunan ku a yena komo konsekuensia di áwaseru fuerte i eis ku a dirti den e zona.
Maneho di e parke a bisa siman aki ku nan ta pronostiká ku algun sekshon, prinsipalmente den área di Wyoming, i tambe Montana i Idaho lo keda sera pa restu di e aña aki dor di dañonan ekstenso ku e inundashonnan a kousa.