QUITO, ECUADOR, AFP.- Indigenanan a blòkia akseso na Quito riba e di kuater dia di protesta kontra gobièrnu, apesar ku presidente Lasso a bisa ku e ta dispuesto na dialogá.
E protestanan, kual a inkluí vários sektor mas no a produsí niun insidente grave òf violento. Un trùk ku manifestantenan a bòltu den un komunidat lagando diesdos herido, segun bomberonan.
Lasso a sigurá djárason ku “nos portanan ta habri pa un diálogo, pero nos no ta aseptá gruponan violento ku ke imponé nan propio reglanan”. E lider di e protestanan i Conaie, Leonidas Iza, a bisa ku gobièrnu no ta duna niun garantia pa un diálogo.
