RIO DE JANEIRO, AP.- Siudat di São Paulo a keda kasi kompletamente paralisá djaluna debí na inundashonnan, avalancha i kongestionamentu den tráfiko debí na áwaseru fuerte.
Den algun parti di e siudat a registrá 10 centimeter di áwaseru den tres ora, oumentando e nivel di riu Tiete na su nivel di mas haltu den 15 aña, segun e sekretaria di infrastruktura di estado.
Mayoria persona a wòrdu reskatá den boto òf helikòpter despues di a warda durante vários ora largu riba dak di nan outo despues ku esaki a praktikamente senk.
Un avalancha a destruí dos kas kaminda un mucha muhé a keda pega entre esaki. El a wòrdu reskatá despues.
Outoridat a informá ku 43 skol a wòrdu kanselá, e servisio di bùs ta operando di forma parsial i algun trein a wòrdu kanselá tambe.
