SIUDAT DI MEXICO, AP.- Inundashonnan kousa pa áwaseru fuerte ku a kai durante anochi den siudat di Durango , na nort di México, a laga sinku persona morto. Asina gobernador estatal Jose Rosas Aispuro a indiká djabièrnè.
E unidat estatal di protekshon sivil a indiká den un tweet ku normalmente esaki ta kai durante un aña, asina Rosas Aispuro a indiká den deklarashonnan publiká pa Foro Tv.
Protekshon Sivil a publiká potrètnan di ayudantenan sakando vários persona di korientenan ku a yega na mas di mei meter di haltura, inkluyendo imágennan di kasnan dañá, un terminal di bùs bou di awa i kayanan yen di lodo.
Rosas Aispuro a indiká ku e situashon tabata bou di kòntròl. E sekretaria di Gobernashon di México a deklará estado di emergensia i skolnan a keda será.
