MOSUL, IRAK, AP.- Irak a deklará su “viktoria total” riba grupo Estado Islámiko na Mosul, tres aña despues ku e ekstremistanan a okupá e siudat komo parti di su akshonnan pa restourá su kalifato global.
“E gran dia di fiesta a koroná e viktorianan di kombatientenan i Irakínan durante último tres añanan”, segun Pomé Minister Haider al-Abadi.
Forsanan Irakí a saka tur kombatiente di EI di e gran márgen di riu Tigris.
Al-Abadi a señalá ku e viktoria a wòrdu alkansá “ku sanger di nos mártirnan”.
E ofensivo kontra Estado Islámiko na Mosul a dura kasi nuebe luna i tabatin sosten di e koalishon aéreo enkabesá pa Merka. Esaki a laga míles di morto, sektornan kompleto na ruina i kasi 900.000 persona desplasá.
Algu despues di al-Anadi su diskurso, e koalishon a felisit’é pa e viktoria pero a agregá ku mester vigilá sierto sektornan ku ainda por wòrdu ataká ku eksplosivo i kombatientenan di ISIS skondí. ISIS, ISIL, i Daesh ta e akrónimonan alternativo di Estado Islámiko.
