MILA, ITALIA, AFP.- E petrolero italiano Eni a kita for di su parti di kapital di e gasodukto Blue Stream ku ta kontrolá pa partinan igual ku e ruso Gazprom, uniendo su mes na e medidanan similar ku otro kompanianan a tuma despues di e invashon ruso na Ukrania, asina un bosero di Eni a informá AFP.
“Eni tin intenshon di bende su parti” den e gasodukto ku e ta transportá kombustibel (karburante) di Rusia pa Turkia, via di laman Negro, asina e bosero a bisa. Otro petroleronan manera e britániko Shell i BP a anunsiá den último dianan retiro di nan invershonnan konhuntamente ku Rusia.
