LOS ANGELES, AP.- John Leguizamo a bisa ku e tin hopi en komun ku e personahe ku e ta fia su bos ya pa e di kuater okashon den e popular serie di pelíkula Ice Age.
“Sid ta idealista i hopi optimista. I mi ta trata di ta asina. Mi ta hasi hopi kos paso bida ta kòrtiku i un persona mester probechá kada bes ku e por”, asina e aktor kolombiano a bisa na The Associated Press den un entrevista telefóniko resiente.
Leguizamo ta bolbe duna bida na e kriatura den “Ice Age: Continental Drift” (Ice Age 4).
Pa logra e bos ku ta karakterisá e personahe no tabata algu kasual. E artista a bisa ku for di su promé partisipashon na 2002, el a investigá e komportamentu dieespesieiahañaun detaye ku lo ta klave pa su interpretashon.
“ E kriaturanan aki (Sloth) semper ta burachi. Mi a siña ku nan ta warda nan kuminda den nan kachete, e ta putri, fermentá i ta bira alkohòl”, asina e aktorabisaiaatribuíesei na e seseo konstante di Sid, ku ta duna un toke prèt adishonal.
Den un periodo di evolushon konstante, e personahenan popular tambe a sufri di kambionan.
“Na kuminsamentu Sid tabata hopi su so, pèrdí, i e no tabatin konfiansa den su mes. Pero ya e ta un lider. Den e di kuater pelíkula e ta yuda sabla bidanan, rekuperá konfiansa i por fin e ta haña un famia”.
Ku un kreatividat i kapasidat pa improvisá sin límite, Leguizamo ta sigurá ku e ta kere di por a sobrebibí durante e époka ei.
