COLUMBIA, SUR CAROLINA, MERKA, AP.- E kapitan di bombero di kapital di South Caroliina a keda retirá despues di a publiká ku “manera e terminá su turno e ta dal manifestantenan ku su vehíkulo si e topa esakinan ta blòkia tráfiko”. Esaki a keda publiká riba Facebook.
Medionan di notisia lokal a informá ku kapitan Jimmy Morris, kende tin 16 aña den e departamentu, a keda retirá djaluna despues di a publiká e mensahenan ku el a publiká riba retnan sosial tokante algun manifestante di Black Lives Matter.
E manifestantenan a blòkia un intersekshon serka di Kámara Legislativo i a provoká ku a sera e outopista interestatal 126, kual ta wòrdu konektá ku Columbia. No tabatin informashon di detenshon, leshon ni daño di e propiedat.
E protestanan a tuma lugá despues ku vários hòmber koló skur a keda asesiná pa polisnan na Minnesota i Louisiana i despues ku agentenan kolá kla a keda asesiná na Dallas.
