WASHINGTON, AP.- Kas Blanku ta prohibí uso di telefòn selular durante ora di trabou.
E bosero di Kas Blanku, Sarah Huckabee Sanders a bisa den un deklarashon djaweps ku “seguridat i integridat di e sistemanan teknológiko di Kas Blanku ta un prioridat importante pa e gobièrnu di Trump. Desde otro siman uso di tur telefòn privá tantu di invitadonan komo esun di personal lo no wòrdu permití den e Ala Oksidental”.
El a bisa ku e empleadonan lo “realisá nan funshon di selularnan emití pa gobièrnu”.
Sanders a bisa ku e desishon tabata pa motibunan di seguridat i no pa miedu di filtrashon di prensa. El a bisa ku lo tin lugá pa e bishitantenan laga nan selular den entrada di Ala Oksidental.
