NEW YORK, AP.- Kevin Hart a reiterá ku e lo no fungi komo maestro di seremonia di Premio di e Akademia.
“No”, tabata su kontesta na momentu ku el a wòrdu puntrá tokante esaki den e programa “Good Morning America” di ABC. Hart a indiká ku ya ta demasiado lat pa prepará.
El a agregá ku ta “difísil pa determiná kiko ta bai pasa” pero ku e no kier pa niun “hende pensa ku tin algu entre e akademia i ami”.
E Akademia di Arte i Siensia di Sine no a nombra un reemplaso pa su gala di 24 di febrüari desde ku Hart a retirá komo anfitrion. El a renunsia na momentu ku algun tweet “homofobiko” di un dékada bieu a reaparesé.
El a bolbe diskulpá na e komunidat LGBTQ e siman aki.
El a indiká ku e no ta bai duna mas komentario durante e programa di “Good Morning America”.
