DAKAR, SENEGAL, AFP.- Korte a sentensiá lider di oposishon Ousmane Sonko na dos aña di prisòn pa “korumpí hóbennan”. E medida ta baha tur su speransa di por partisipá den elekshon presidensial di otro aña. E medida a kousa klèshnan den kapital di Senegal, Dakar djaweps.
Sonko, e rival mas feros di Presidente Macky Sall, tabata ousente na momentu ku a anunsiá e sentensia. Ademas, e no a partisipá den e proseso hudisial.
Dos ofisial di polis a bisa na AFP ku tabatin tres morto den e manifestashonnan na sùit di Ziguinchor, kaminda Sonko ta alkalde for di 2022. Un polis a muri despues ku hóbennan manifestante a batié ku piedra na Dakar.
E informashon aki no a wòrdu konfirmá públikamente pa ofisialnan.
Sonko tabata na su kas na Dakar, na momentu ku el a wòrdu blòkiá pa forsanan di seguridat despues di a keda detené den wikènt.
Campus universitario na Dakar a keda manera un kampo di bataya.
