LA PAZ, BOLIVIA, AFP.- E kondena di 10 aña di prizòn pa èks presidente interino Jeanine Añez a lanta duda riba independensia di hustisia na Bolivia, señalá di ta bou di kontròl polítiko.
Añez, un èks senador derechista, a wòrdu kondená riba djabièrnè último ku aktonan inkonstitushonal i inkumplimentu di debernan despues ku el a okupá su puesto den novèmber 2019, dos dia despues di renunsia di presidente iskierdista Evo Morales, meimei di protestanan.
“E señalnan di posibel intervenshon di poder polítiko den e proseso hudisial aki ta preokupá e komunidat internashonal”, segun indikashon di e periodista spesial di Nashonnan Uní tokante independensia di huesnan, Diego Garcia-Sayan.
Movementu Sosialismo (MAS), e partido di Morales, i e presidente aktual Luis Arce ta sostené ku eks senador Añez a violá normanan i a kousa un “golpe di Estado” kontra Morales.
E tabata e segundo visepresidente di Senado i a bisa ku el a okupá e puesto di presidente pa motibu ku despues ku Morales a retirá, tur esnan despues di dje ku lo mester a bira presidente tambe a retirá.
E èks mandatario tabata detené durante 15 luna promé ku su kondena.
