KIEV, UKRANIA, AFP.- Ukrania a risibí apénas 10% di armanan di su aliadonan, pa enfrentá e invashon di Rusia, segun indikashon di e vise minister ukraniano di Defensa.
“Nos a haña 10% di armanan ku nos mester”, segun e vise minister, Anna Maliar, den deklarashonnan na televishon ukraniano.
“Ounke Ukrania ta hasiendo hopi esfuerso i mirando kon profeshonal nos ehérsito ta, sin yudansa si nos sosionan oksidental nos no por gana e guera aki”, asina el a añadí.
Segun e vise minister, nan mester indiká e plaso di entrega di pa e armanan aki klaramente. “Kada dia ku tarda ta un dia mas kontra bida di sòldatnan ukraniano i nos pueblo”, asina el a bisa.
“Nos no por warda mas paso e situashon ta difísil”, asina el a kontinuá. Trupanan ruso a poderá progresivamente di region di Lugansk.
Un ratu promé, presidente ukraniano, Volodymyr Zelensky a urgi pa manda “mas arma i ekiponan militar rápidamente” pasó Rusia tin “dies, shen biaha mas tantu” arma den su arsenalnan kompará ku Ukrania.
