CARACAS, VENEZUELA, AFP.- Un tribunal venezolano a kondená un èks diputado di oposishon i 16 persona mas na entre sinku i 30 aña di prizòn pa nan partisipashon den un atentado ku a frakasá kontra presidente Nicolas Maduro na aña 2018.
Juan Requesens, kende a integrá Parlamento a haña un kondena di 8 aña den prizòn pa delito di “konspirashon”, segun su abogado den un Tweet.
Di e kantidat total di personanan kondená, 12 a haña e kondena máksimo di 30 aña den prizòn. Sobrá a haña 24, 20 i sinku aña, aparte di e ocho añanan di e eks diputado.
