CARACAS, VENEZUELA, AP.- Asamblea Nashonal venezolano a aprobá un deklarashon di abandono di kargo di presidente Nicolás Maduro debí ku e no a kumpli ku su funshonnan. Esaki ta un proseso ku Tribunal Supremo di Hustisia a oponé.
Tribunal a pidi kongresistanan pa apstené di dikta kualkier akto ku ta na márgen di su atribuishon nan konstitushonal.
Mayoria opositor di Kongreso a aprobá ku 106 voto na fabor. E votonan kontra di legisladornan di ofisialismo no ta wòrdu reportá.
Ounke Asamblea Nashonal tin protesta konstitushonal pa deklará e abandono di kargo ta posibel ku Tribunal Supremo di Hustisia, dominá pa gobièrnu, dikta un sentensia ku por paralisá òf laga e proseso sin efekto.
Mayoria opositor di Asamblea kier aselerá e final di mandato di Maduro, akusá di no kumpli ku su debernan konstitushonal i di ta e persona responsabel pa e krísis ekonómiko kompliká den e pais. Durante aña pasá, koalishon opositor a promové un proseso di referendum revokatorio di mandato di Maduro kual a a pasa pa outoridatnan hudisial i elektoral.
E siguiente oranan ta krusial pa oposishon debí ku awe ta e mitar di mandato di Maduro, kual ta anulá kualkier posibilidat pa organisá elekshon nobo. Konstitushon ta establesé ku si e presidente bandoná su kargo òf fayesé durante último añanan di gobièrnu, e periodo ei ta keda kompletá pa e visepresidente. Pues den e kaso aki tambe si Maduro bandoná su kargo, e periodo ku sobra di Maduro su mandato ta wòrdu kompletá pa visepresidente.
