NASHON UNI, AP..- Konseho di Seguridat di Nashon Uni lo analisá e situashon na Venezuela pa promé biaha despues ku Merka a pidi un diálogo indikando ku e pais ta na bordo di un “krísis humanitario”.
“Pa bienestar di e venezolanonan i seguridat den e region, nos mester traha huntu pa sigurá ku Presidente Venezolano Nicolas Maduro ta pone fin na violensia i opreshon i restourá demokrasia”, asina Nikki Haley a bisa, kende ta embahador di Merka pa Nashon Uni.
Den e pais latinoamerikano tin protestanan riba kaya andando kontra Gobièrnu i a ekstendé pa kasi un luna i mei kaba i a laga mas di trinta persona morto, den su mayoria hóben, ademas di masha hopi personanan heridá.
Promé ku el a drenta den e reunion di miembronan di Konseho di Seguridat el a bisa na medionan ku funshonarionan di Nashon Uni lo proveé informashon tokante e situashon den e pais i ku no ta spera ku esaki lo trese desishonnan signifikativo òf anunsio di sanshon kontra Venezuela.
