LIMA, AP.- Presidente peruano, Pedro Pablo Kuczynski i e lider opositor Keiko Fujimori a rospondé djaweps na preguntanan di fiskal pa supuesto vínkulonan ku e kompania di konstrukshon brasilero Odebrecht. E kompania tabata un konsentrashon di un skandal pa korupshon ku a tuma lugá den e region.
E deklarashonnan a realisá algu promé ku un protesta rechasando e indulto di eks presidente Alberto Fujimori, tata di Keiko i sentensia na 25 aña di prizòn pa asesinato.
E fiskal antikorupshon Hamilton Castro a yega e kas presidensial pa interogá Kuczynski pa e pago di mas di 782.000 dòler ku Odebrecht a realisá na su kompania di konsulta finansiero Westfield Capital miéntras e mandatario tabata promé minister di e gobièrnu di eks presidente Alejandro Toledo.
Segun lei, Kuczynski no por wòrdu akusá te ora su mandatario konkluí na 2021, pero e por wòrdu interogá komo testigu pa aklará e vínkulonan di su empresa ku e kompania brasilero di konstrukshon. E kompania a atmití di a paga funshonarionan peruano pa haña kontraktnan importante den e pais.
