LONDON, AP.- Legisladónan britániko ku ta oponé e plan di promé minister Boris Johnson pa bandoná Union Oropeo sin un akuerdo di divorsio, a superá nan promé opstákulo djárason, aprobando den un prinsipio un proposishon di lei dirigí na blòkia nan akshonnan i pone nan bou di debate.
Den e di dos dia konsekutivo di pleitamentu parlamentario, e kámara di komun a vota 329 na fabor i 300 kontra di e proposishon, dunando lugá na otro votashon programa den e próksimo oranan. Si e keda aprobá, e lo keda manda kámara di Lores.
E legisladónan na fabor di Brexit a menasá ku stroba su aprobashon, pronunsiando diskursonan te ora nan tempu a kaba.
Johnson a bisa ku Gran Bretaña mester separá di Union Oropeo dia 31 di òktober, ku fin un akuerdo di divorsio i plania pa konvoká algun elekshon general si e inisiativa di oposishon kombertí den lei, ku e speransa di optené algun legisladó ménos rebelde.
E legisladónan di oposishon, apoyá pa e rebeldenan di Partido Conservado na kual Johnson ta pertenesé a atvertí ku sali di e bloke sin un akuerdo di divorsio ta okashoná un daño ekonómiko ireparabel.
