PARIS, AP.- E presidente franses a inkluí vários nòmber poko konosí den su gabinete, komo parti di kambionan pa renunsiá di kuater minister ku ta wòrdu investigá pa korupshon.
Emmanuel Macron a plania pa reorganisá e Gobièrnu despues ku su partido a gana mayoria den elekshon parlamentario djadumingu. Pero el a wòrdu fòrsá pa realisá mas kambio di loke el a pensa debí na e renunsia di e ministernan.
E ofisina di e Promé Minister a bisa djárason ku Florence Parly, eks ehekutivo i funshonario di e presupuesto, lo ta e Minister nobo di defensa, despues ku su predesesor Sylvie Goulard, e muhé di rango mas haltu den su gabinete a renunsiá.
Macron a nombrá Nicole Melloubet tambe, miembro di Korte Konstitushonal, komo Minister di Hustisia, despues ku Francois Bayrou a wòrdu obligá pa renunsiá anteriormente riba e dia. Bayrou, ku ta enkabesá e kampaña di Macron pa purifiká e polítika, a renunsiá despues di akusashonnan di korupshon.
Otro miembronan importante a keda na su puesto, inkluyendo e Ministernan di relashon eksterior, finansa i interior. E gabinete nobo tin 28 miembro, mitar di nan ta muhé.
