CARACAS, VENEZUELA, AFP.- E presidente di Venezuela, Nicolás Maduro, a afirmá djaluna ku su pais no ta bolbe forma parti di Organisashon di Estadonan di Amérika (OEA). Venezuela a sali for di e organismo na aña 2019 pa diskrepansianan.
“Nos a sali pa semper i nos no tin intenshon di bolbe bèk”, asina Maduro a bisa durante su programa di televishon.
Maduro a bisa ku OEA mester disparsé. “Nos kaminda ta UNASUR (Union di Nashonnan Suramerikano), nos kaminda ta CELAC (Komunidat di Estadonan Latinoamerikano i Karibense), nos kaminda ta ALBA (Aliansa Bolivariano pa Pueblonan di Nos Amérika)”.
Venezuela a sali for di aña 2019 di e organisashon pa diskrepansianan, pero e presidente di Colombia, Gustavo Petro, a boga pa entrada di Venezuela den e organismo.
Maduro a kritiká OEA vários aña pasá, spesialmente desde ku e organismo a rekonosé Asamblea Nashonal di Venezuela komo outoridat legítimo, enkabesá pa e opositor Juan Guaidó, despues ku a kuestioná Maduro su reelekshon na aña 2018.
