NIORT, FRANSIA, AFP.- Un manifestante ku ‘trauma’ na su kabes tabata bringando pa su bida djadumingu despues di klèshnan ku polis durante un manifestashon di fasilidatnan pa warda awa na Fransia, segun indikashon di un fiskal.
E hòmber di 30 aña ta entre tres manifestante ku a keda interná den hospital pa haña tratamentu, despues di e protesta den e pueblo Sainte-Soline djasabra, segun indikashon di e fiskal Julien Wattebled.
E otro heridonan tabata un dama di 19 aña ku herida na su kara i un hòmber di 27 aña ku un pia kibrá.
Wittebled a bisa ku a kuminsá ku un investigashon spesial pa determiná kon e víktimanan a keda leshoná i ki sorto di leshon nan a haña.
Kuater manifestante mas a sali herida pero no a keda hospitalisá, i 29 polis tambe a sufri heridanan di kual dos mester a keda transportá pa hospital, segun e ofisina di fiskal.
