TEL AVIV, ISRAEL, AFP.- Míles a manifestá djasabra den siudat israelí di Tel Aviv pa di sinku siman konsekutivo kontra reformanan hudisial kontroversial anunsiá pa e gobièrnu derechista di promé minister Benjamin Netanyahu.
E manifestantenan tabatin banderanan israelí i a protestá den sentro di e siudat ku bòrchinan.
Segun medionan lokal, tabatin manifestashonnan den 20 siudat i na Tel Aviv desénas i míles di persona a reuní.
Polis no a duna niun dato relashoná ku e kantidat di manifestantenan.
E protestanan di djasabra a kombertí den un sita semanal desde ku e gobièrnu nobo di Netanyahu, konsiderá komo esun di mas derechista den historia di Israel, a yega na poder na fin di desèmber.
Netanyahu, akusá ku korupshon, ta manehá un gobièrnu di koalishon ku partidonan derechista i ultra ortodoksia hudiu.