HAVANA, AP.- E promé minister kubano Manuel Marrero Cruz a estrená su puesto den e último reunion di gabinete pa e aña aki.
E enkuentro tabata pa establesé e gobièrnu su strategianan pa aña 2020. E pais kier enfrentá e sanshonnan di Merka, aprobá leinan konforme konstitushon i enfrentá e situashon ekonómiko tenso, segun indikashon di medionan di prensa ofisial.
Parlamento kubano a ratifiká e proposishon di presidente Miguel Diaz Canel pa Marrero, un arkitekto di 56 aña, wòrdu designá komo promé minister konforme e karta magna nobo. E proposishon a wòrdu firma durante fin di siman último pa e parlamento, Asamblea Nashonal di Poder Popular.
Cuba a bira víktima di Merka su sanshonnan radikal pa preshoná e isla pa kambia su sistema polítiko. E produkto interno bruto a subi ku apénas 0,5% e aña aki.
