LONDON, AP.- E promé minister britániko tabata luchando pa reskatá su akuerdo di separashon ku Union Europeo despues ku parlamento a vota pa posponé Brexit i asina evitá un salida kaótiko ku lo a sosodé dentro di dos siman.
May tin plania di dediká e próksimo dianan pa purba konvensé e opositornan den Partido Konservador i su aliadonan parlamentario pa sostené e akuerdo, ku a sufri dos derota kontundente den Parlamento. E alternativa aktual pa Gran Bretaña ta un salida sin akuerdo riba 29 di mart.
Despues di vários luna di un káos polítiko, Kámara di Komun a vota 413 voto kontra 202 djaweps pa pidi UE pa posponé e salida. Si no por posponé òf kanselá Brexit, Gran Bretaña lo sali di UE riba 29 di mart ku òf sin akuerdo.
E kanselashon mester wòrdu aprobá pa e otro 27 paisnan den Union Europeo. E paisnan a pèrdè pasenshi ku e politikeria britániko.
E minister di Hustisia aleman, Katarina Barley a bisa ku London mester probechá di kualkier tempu adishonal ku esaki haña.
Un votamentu lo tuma lugá promé ku djárason den Parlamento. Siguiente dia May mester biaha pa e kumbre di UE na Bruselas, kaminda e lo pidi Union Europeo pa posponé Brexit.
“Mi ta di opinion ku UE ta dispuesto na duna mas tempu, pero mester tin un plan pa loke ta bai sosodé durante e tempu adishonal aki”.
