NEW YORK, AP.- E mayornan di e promé dama, Melania Trump ya ta siudadanonan merikano.
Un abogado di Viktor i Amalija Knavs a bisa ku e pareha di Slovenia a presta huramentu na lei di New York.
Te ainda nan ta residentenan permanente.
Melania a krese den e pueblo industrial di Sevnica na momentu ku Slovenia tabata bou di e régimen komunista. Su tata tabata un distribuidó di outo i su mama tabata traha den un fábrika di tela.
E suegronan di presidente Donald Trump a yega e seremonia den un edifisio federal na Manhattan i a wòrdu kompañá pa agentenan di Seguridat Nashonal.
Viktor tin 74 aña, i Amalija tin 73 aña.
E promé dama, kual su nòmber di nasementu tabata Melanija, a kambia esaki pa Melania Knauss na momentu ku el a inisiá su karera di modelo. El a yega New York na 1996 i a konosé Trump dos aña despues.