PARIS, AP.- Presidente Emmanuel Macron a ordená un reforma di e sistema di prizòn na Fransia, na momentu ku trahadónan di prizònnan a sende tayernan na kandela i pone barikadanan den protesta pa kondishonnan violento den e instalashonnan aki.
Wardadónan di prezu a bolbe protestá djaluna pafó di prizònnan den e pais kompleto, despues ku un prezu a purba ataká vários persona siman pasá den e prizòn di seguridat haltu di Vendin-le-Veil, na nort.
E direktor di e penal a presentá su renunsia djaluna bou di preshon personal, kaminda e ta wòrdu akusá di no hasi sufisiente pa prevení e violensia.
Macron a bisa djaluna ku el a ordená gobièrnu pa elaborá un “plan global pa prizònnan” ku ta modernisá e instalashonnan i tareanan di inteligensia di esaki. Ademas, el a indiká un kambio “masivo” na sentensianan alternativo, manera servisio públiko obligatorio i banchinan elektróniko.
