WASHINGTON, AP.- Funshonarionan haltu di komersio i ekonomia di Merka lo bishitá China riba e siguiente fin di siman pa kontinuá ku e negosiashonnan tokante e komersio bilateral, segun informashon di funshonarionan di Kas Blanku.
E sekretario di Tesoro, Steven Mnuchin, i e representante komersial di Merka, Robert Lighthizer, lo enkabesá e delegashon merikano, segun funshonarionan di Trump su gobièrnu. E fuentenan a papia den privá debí ku nan no tabata outorisá pa papia públikamente,
E kombersashonnan programa ta indiká ku ámbos parti ta kere ku nan por logra avansenan signifikativo. Presidente Trump a bisa djaweps ma Kas Blaku ku “e kombersashonnan ku China ta bayendo bon”.
Sinembargo, e negosiashonnan lo wòrdu realisá na fin di mart tambe, e fecha ku funshonarionan di gobièrnu ta wardando pa firma un akuerdo di Mar-a-:Lago, e edifisio turístiko di presidente Trump na Florida. E negoshadónan ta di opinion ku un fecha mas realístiko mester sosodé na final di aprel.
