WASHINGTON, AP.- E atministrashon di Alimentu i Medisina, djaluna a aprobá e promé píldora ku a mustra di por redusí e riesgo di wòrdu afektá ku HIV, den un momentu krusial kontra e vírus ku ta kousa AIDS.
FDA a aprobá e píldora Truvada, desaroyá pa e kompania merikano di bioteknológiko Gi lead Sciences komo un media preventivo pa e personanan ku ta kore un rísiko haltu di wòrdu kontagia. E ta konta spesialmente pa personanan ku tin pareha infektá.
Aktivistanan di salu públiko ta bisa ku e aprobashon por yuda redusí e ritmo di kontagio di HIV ku a wòrdu mantené stabil den algun 50.000 infekshon anual nobo durante e último 15 añanan.
Aproksimadamente 1,2 mion merikano tin HIV, kual ta provoká aids, al ménos e wòrdu
kombatí ku remedinan kontra e vírus aki. Algun 240.000 kargadó di e vírus ta ninga di tin e, médiko i pashèntnan ta bisa ku ta rekerí métodonan nobo pa stòp esaki di sigui propagá.
Gilead Sciences Inc. ta bende Truvada for di 2004 komo un tratamentu pa personanan ku ya ta infektá ku e vírus aki.
Sin embargo, for di na 2010, algun estudio a mustra ku e remedi lo por stòp hende di wòrdu kontagia ku HIV. Un estudio di tres aña a haña ku su atministrashon diario ta redusí e riesgo ku 42% den hòmbernan gay i biseksualnan saludabel si nan usa kondon i protekshon.
