BEIRUT, LIBANO, AFP.- Dieskuater kombatiente pro iraní a muri den bombardeonan merikano na ost di Siria, den represaya pa un atake ku drone ku algun ora promé a mata un merikano i heridá seis mas.
Un kontratista merikano a fayesé, i un otro kontratista i sinku sòldat merikano a sali leshoná na momentu ku un drone ku bòm “di orígen iraní” a dal den un instalashon di mantenshon di un base serka di Hasake, na nortost di Siria, segun indikashon di Pentágono den un komunikado.
Presidente merikano Joe Biden a duna òrdu pa e “atakenan aéreo di presishon den oranan di anochi na os di Siria, kontra instalashonnan usa pa gruponan afiliá na e kuerpo di Guardiannan di Revolushon” iraní, segun indikashon di e sekretario merikano di Defensa Lloyd Austin.
E atakenan aéreo tabata un reakshon riba e atakenan, asina Austin a splika.
Alrededor di 900 sòldat merikano ta na Siria komo parti di un koalishon internashonal kontra loke a keda di e grupo Jihad Estado Islámiko.
