CARACAS, VENEZUELA, AFP.- Merka a renobá e lisensia di seis empresa di petroli di e pais pa realisá operashonnan destiná pa preservá aktivonan na Venezuela, ounke ainda e embargo riba krudo venezolano di 2019 ta vigente.
Ta trata di kompanianan Halliburton, Schlumberger Limited, Baker Hughes Hldings LLC i Weatherford International, segun un dokumento publiká pa Office òf Foreign Assets Control (OFAC), dependiente di Departamento di Finansa di Merka.
E lisensia ta permití “pago di impuestonan lokal i kompra di servisio públiko na Venezuela”, i tambe “pago di salario di empleadonan i kontratistanan na Venezuela”.
E kompanianan no por realisá aktividatnan di perforashon, kompra, benta, transporte ni manda òf derivá petroli di orígen venezolano.
Washington a apliká un kantidat di sanshon riba Venezuela pa preshoná retiro di presidente Nicolás Maduro, kende su reelekshon di 2018 ta konsiderá komo froudulento. E medidanan ta inkluí prohibishon pa komersialisá petroli venezolano.
