CARACAS, VENEZUELA, AP.- Merka a ninga ku un avion di vigilansia a violá espasio aéreo di Venezuela, manera outoridatnan venezolano a denunsia. E pais a indiká ku durante monitoreo di antinarkotiko e avion a mantené su mes den e espasio aéreo internashonal.
Un avion tipo Dash-8, a realisá un operashon di monitereo antinatroktiko i a mantené den espasio aéreo internashonal durante e mishon kompleto. Asina Komando Sur a indiká den un komunikado ku Embahada di Merka a publiká na Caracas.
E Komando Sur a afirmá ku tur denunsia relashoná ku esaki ta karesé di fundamentu” i a sostené ku e operashonnan di kombate narkotráfiko di Merka ta tuma lugá ku soberania i rèspèt di nashonnan .
Minister di Defensa di Venezuela, general Vladimir Padrino Lopez, a denunsia ku e avion militar merikano a drenta supuestamente entre 16 i 17 di sèptèmber den e supuesto region di informashon di buelo vsin outorisashon i a keda 130 mia nóutiko di e Isla di Margarita kaminda un kumbre tabata wòrdu realisá.
Padrino Lopez a bisa ku e avion tabata “buskando informashon, hasiendo su inteligensia di desaroyo di e kumbre i ku despues di a wòrdu interseptá el a regresá su base riba e isla ulandes di Kòrsou”.
Presidente venezolano Nicolas Maduro a anunsiá ku su gobièrnu lo presentá reklamonan na Merka i Ulanda pa e insidente i ku kansier Delcy Rodriguez lo denunsia e kaso den Organisashon Nashon Uni.
