GINEBRA, SUISA, AFP.- E vakunanan lo no yega na tempu pa eradiká e di dos ola di Corona vírus, segun indikashon di e direktor di emergensia di Organisashon Mundial di Salú, kende a urgi pa kombatí e pandemia ku medidanan preventivo.
E vakunanan no ta un solushon mágiko, i tur pais mester kombatí e vírus sin e arma aki, segun Michael Ryan di OMS.
“Mi ta kere ku nos mester warda entre kuater i seis siman promé ku nos logra un nivel signifikativo di vakunamentu. Mayoria pais ta pasando dor di e ola aki i nan mester hasi esaki sin vakuna”, asina el a bisa durante un seshon riba retnan sosial.
E kompanianan Pfizer a indiká djárason ku e resultadonan definitivo di e vakuna eksperimental ta mustra ku e ta 95% efektivo, miéntras ku su kompetidor Moderna a informá di un tasa di efektividat di 94,5%.
Rusia a sigurá tambe ku e pais tin un produkto ku un tasa di efektividat riba 90%.
“Nos lo no eliminá COVID si nos añadí e vakunanan i lubidá riba sobra”. Mundu a registrá 55,6 mion kaso di COVID-19 te ainda i mas di 1,3 mion morto.
