TUXTLO GTZ, MEXICO, AFP.- Algun 2 mil migrante di diferente nashonalidat a sali for di sùit di Mexico estado di Giapas rumbo pa siudat di Mexico, protestando pa kandela ku a laga 40 morto den siudat Juarez riba e anochi di 27di mart.
“Nos a sali awe simbólikamente denunsiando un krímen di estado. Nos falta 40 migrante morto ku no a hasi nada”, asina e aktivista Irineo Mujiva kende ta enkabesá e karavana ku a sali di un parke di e siudat di Tapachula na Chiapas a bisa.
E grupo ta forma prinsipalmente pa migrantenan di sentro Amérika, Venezuela, Colombia i Haiti. Segun outoridatnan mehikano, e kandela a originá ora un migrante a sende un kolchon den su sèl na kandela kaminda e tabata keda ku 67 otro hòmber, mei mei di un protesta pa un posibel deportashon.
Imágennan di un kámara di seguridat a mustra ku ora e kandela a kuminsá, e personal di migrashon di seguridat a hasi algu pa evakuá e migrantenan.
