KHARTOUM, SUDAN, AFP.- Un barku ku míles di karné a senk djadumingu den haf di Suakin, den Red Sea di Sudan. Mayoria di e karnénan na bordo a muri, pero e tripulashon a sobrebibí, segun indikashon di outoridat.
E barku tabata eksportando e animalnan di Sudan pa Saudi Arabia na momentu ku el a senk. A karga míles di animal mas di loke e barku por a transporte.
“E barku, Badr 1 a senk den oranan trempan di djadumingu mainta”, segun indikashon di un funshonario di e haf sudanes, kende a pidi pa keda anónimo. “E barku tabatin 15.800 karné, kual ta muchu mas ku su límite di karga”.
E funshonario a bisa ku e plania pa karga solamente 9.000 na bordo.
Omar al-Khalifa, direktor di asosiashon nashonal di eksportadornan, a bisa ku e barku a tarda vários ora pa senk, kual ta nifiká ku “por a reskatá esaki”.
