KUTUPALONG, BANGLADESH, AFP.- Míles di rohingya, refugiadonan na Bangladesh, a manifestá djadumingu pa eksigí pa nan regresá Birmania, kaminda nan a hui di represhon di e régimen militar.
Mas di 10.000 rohingya a partisipá den e protestá “riba kamponan di mi hurisdikshon”, seggun indikashon di Naimul Haque di polis, refiriendo na e kampo di refugiado di mas grandi na mundu, Kutupalong.
Segun polis i organisadónan di e protestanan, mas di un miar rohingya a manifestá den kada un di e 29 kamponan kaminda nan ta biba den baraknan traha di canvas, metal i bambu.
Alrededor di 750.000 rohingya musulman a hui di Birmania, i buska asilo na Bangladesh, kaminda ya tabatin mas ku 100.000 refugiado.
E refugiadonan rohingya ta ekshibí derechi di siudadania promé ku nan regresá Birmania.
Funshonarionan di Bangladesh i Birmania a reuní den un videokonferensia, pa promé biaha den kasi tres aña, siman pasa. Nan a organisá e enkuentro pa papia tokante e kuestion di repatriashon pa refugiadonan.
