WASHINGTON, MERKA, AFP.- E posibilidat pa haña vakuna kontra COVID-19 fin di aña ta birando mas konkreto pa motibu ku e empresa merikano Moderna a anunsiá djaluna ku su vakuna ta 94,5% efikas.
E dos vakunanan por haña outorisashon di FDA den e promé kinsena di Desèmber, segun indikashon di Moncef Slaoui, enkargá ku operashon Warp Speed, kual presidente Donald Trump kier usa pa vakuná e pueblo kompleto.
Na promé instante, esaki ta nifiká ku kasi 20 mion merikano por haña e vakuna aki den desèmber. Esnan mas eksponé na e vírus i personanan di edat avansá ta haña prioridat pa keda vakuná. Despues di esaki, lo sigui vakuna 25 mion mas pa luna, segun indikashon di e funshonario na MSNBC.
Johnson & Johnson tambe lo presentá su resultadonan den e promé kinsena di yanüari, kual ta habri kaminda pa su aprobashon den e di dos kinsena di febrüari. E último vakuna mester di AstraZeneca/Oxford mester haña outorisashon pa inisiá e fase avansá di prueba.
