ADIS ABEBA, ETIOPIA, AFP.- Nashon Uní a alertá djamars pa “krísis humanitario na gran eskala” ku ta kreando na frontera entre Etiopia i Sudan, despues ku míles di persona a hui di kombatenan ku a tuma lugá region di Tigre ya pa dos siman kaba.
Preokupá pa e riesgo di stabilidat den e zona, e komunidat internashonal ta ehersiendo mas preshon pa kaba ku e operashon militar aki, lansa pa promé minister etiope Abiy Ahmed, kende a anunsiá ku pronto esaki lo drenta den su fase final.
Segun un bosero di Agensia di Nashon Uní pa Refugiado, e kombatenan a pone 4.000 persona krusa frontera diariamente entre Etiopia i Sudan for di 10 di novèmber. Esaki ta 27.000 hende. E restrikshonnan di e desplasamentunan ta difikultá evaluashon di e situashon riba e tereno.
