FONSECA, COLOMBIA, AP.- 7.000 arma kargá pa FARC i ku a wòrdu wardá den 26 zona di desarme pa Nashon Uní ta bai wòrdu retirá awe.
E opservadornan di Nashon Uní a kuminsá retirá e depósitonan na final di yüli. Djamars e último kònteiner mester sali di zona di La Guajira, na nort di Colombia.
Arnault a duna e sifra di inventario na FARC. Esaki a inkluí 22 tonelada di eksplosivo, mas di 3.000 granada i 1.000 mina anti persona, entre otro arma. Parti di e arsenal aki a wòrdu destruí na e sitio miéntras ku otronan ta wòrdu kombertí den monumentonan pa konmemorá e final di e konflikto arma mas largu den Amérika.
Djabièrnè aki ta e último dia pa FARC entregá e organismo internashonal un lista ku su vienes, un di e temanan mas polémiko di transishon di e gueria.
FARC lo konstituí den un formashon polítika legal na final di luna, “E partido sigur lo wòrdu yamá “Fuerza Alternativa revolushonario di Colombia”, segun indikashon di e lider gueriero Ivan Marquez. “Nos lo uni e sistema, pero na mes momentu nos lo ta vokal kontra e sistema aki”, asina el a agregá.
