NASHON UNI, AP.- Nashon Uní a pidi Colombia pa aprobá e dokumento legal ku ta protehá e proseso di pas den e pais i a ekspresá su preokupashon pa posibel reformanan na e konstitushon ku presidente kolombiano Ivan Duque tin planiá di proponé pa kambia sierto punto di e proseso ei.
Carlos Ruiz, hefe di e mishon di verifikashon di Nashon Uní na Colombia, a deklará durante un reunion di Konseho di Seguridat ku e reforma konstitushonal no mester impliká kambionan apliká di forma retroaktivo na tur eks kombatiente di FARC ku a bandoná e grupo boluntariamente bou di términonan akordá entre e gobièrnu i e eks gueria.
E gobièrnu kolombiano di eks presidente Juan Manuel Santos, i FARC a firma un akuerdo di pas den novèmber 2016 kual a pone fin na mas di mei siglo di konflikto arma.
