LONDON, AP.- Polítiko britániko Nigel Farage, kende ta sostené e salida britániko di Union Europeo, a lansa un kampaña pa un elekshon ku posiblemente nunka lo sosodé pa e institushon ku el a insultá konstantemente; e kontienda pa Bretaña haña asiento den Parlamento europeo.
Gan Bretaña mester a sali di Union Europeo promé ku e elekshon aki, kual ta tuma lugá na final di mei den kada un di e paisnan miembro. Ainda e Parlamento britániko ta determinando pa aprobá òf no aprobá un akuerdo di separashon di gobièrnu ku e bloke di UE. E lidernan di UE a posponé Brexit te 31 di òktober.
E promé minister britániko Theresa May, e no por a imaginá su mes di partisipá den elekshon europeo, algun aña despues di e referèndem di Brexit. Ainda May ta spera ku Gran Bretaña por evitá e elekshon di 23 di mei aki, saliendo di e bloke promé ku e fecha aki.
Sinembargo, ku e oposishon di legisladornan britániko pa sostené e akuerdo di separashon ku May a sera ku UE, Gran Bretaña a inisiá e preparashonnan pa kubri e 73 asientonan britániko den e legislativo europeo di 751 miembro. E kandidatonan ganadó di Gran Bretaña lo sirbi solamente miéntras e pais keda den UE.
