JEREMIE, HAITI, AP.- E koordinadó humanitario di Nashon Uní a hasi un ” yamada urgente” pa rekoudá 120 mion dòler di yudansa pa Haiti, miéntras funshonarionan lokal tabata enfrentá problemanan grave pa haña kuminda, medisina, i awa pa e komunidatnan kada biaha mas desesperá i aisla kasi un siman despues ku orkan Matthew a pasa.
Ainda no tin elektrisidat, awa i kuminda ta skars.
Un konvoi ku a hiba kuminda, awa i remedi pa hòmbernan armá den un vaye aislá a wòrdu ataká pa hòmbernan armá. Asina Frednel Kedler, koordinadó di e Agensia di Protekshon Sivil den departamento di Grand-Anse a bisa. Outoridatnan a purba yega na e komunidatnan desesperá. Funshonarionan di Nashon Uní a bisa anteriormente ku por lo ménos 1,4 mion persona den e region kompleto mester di asistensia i ku 2,1 mion en general a wòrdu afektá pa e orkan. 175.000 persona tabata den refugionan te ku djaluna.
