BERLIN, AP.- Un partido nashonalista ku ta oponé kontra inmigrashon a risibí resultadonan sólido djadumingu den un elekshon estatal den e region kaminda e kansier aleman Angela Merkel tin base polítika. Esaki probablemente ta duna alkanse na su partido konservador pa yega na segundo puesto, segun indikashon di enkuestanan di urnanan.
E enkuestanan realisá pa Konsorsio di institushonnan públiko di radio pa Repúblika Federal di Alemania (ARD) i kanal di televishon ZDF a indiká un apoyo di 21% na e partido Alternativa pa Alemania (AfD) den elekshon realisá djadumingu pa Legislatura estatal den Mecklenburg-Pomerania. Segun e skrutinio ofisial, e partido Demókrata Cristiano di Merkel a risibí 19-20% di voto. Esaki ta su resultado mas pió te ainda.
Ta sperando ku e partido Sosial demókrata di sentroiskierda, ta risibí mas kantidat di voto, ku mas o ménos 30%.
Estado Mecklenburg- Pomerania tin 1,6 mion di 80 mion residente di Alemania.
