KIEV, UKRANIA, AFP.- Nashonnan Uní a akusá forsanan ukraniano i rusonan di a kometé desénas di ehekushonnan sumario di prizoneronan di guera desde komienso di e invashon ruso den Ukrania.
“Nos ta profundamente preokupá pa e ehekushon sumario di 25 prizonero di guera i personanan ku no ta forma parti di e kombate ruso”, i tambe “15 prizonero di guera ukraniano”, segun indikashon di Matilda Bogner, hefe di e Mishon di Vigilansia di Derechonan Humano di Nashonnan Uní na Ukrania.
Segun Bogner, e ehekushon di rusonan di parti di forsanan arma ukraniano a wòrdu kometé “kasi inmediatamente despues di e kaptura riba e kampo di bataya”.
Desde komienso di e invashon ruso den Ukrania den aña pasa den luna di febrüari, Kiev i Moscow a akusá otro
E Mishon di Vigilansia a afirmá den un informe ku miembronan di forsanan arma ukraniano a menasa prizoneronan di guera ruso ku morto òf violensia seksual, komo forma di represaya.
