ROMA, ITALIA, AFP.- World Food Programme di Nashonnan Uní a atvertí djadumingu ku refugiadonan di Ost i Wèst Afrika ta enfrentá skarsedat di kuminda pa motibu di un oumento den demanda i insufisiente fondo.
Tres kuart di refugiadonan den Ost Afrika, sostené pa e programa di Nashonnan Uní ta hañando 50% ménos di loke nan tabata haña, segun WFP. Esaki ta inkluí refugiadonan na Etiopia, Kenia, Sur Sudan i Uganda.
“Nos a wòrdu obligá pa tuma e desishon di redusí provishonnan di alimento na refugiadonan ku ta dependé di nos pa sobrebibí”, asina e direktor ehekutivo di WFP, David Beasley a bisa.
E rekursonan disponibel no ta sufisiente pa e demanda kresiente rònt mundu, asina el a agregá.
E guera na Ukrania a empeorá e krísis di refugio global i skarsedat di kuminda, kreando seis mion refugiado adishonal den zonanan di konflikto i tambe subiendo preis di komestibel.
