DAMASCUS, SIRIA, AFP.- Un funshonario di Nashonnan Uní a urgi e gobièrnu sirio pa fasilitá entrega di yudansa humanitario den zonanan bou di kontròl di rebeldenan na nortwèst di e pais.
E kordinando di Nashonnan Uní na Siria, El-Mostafa Benlamlih a pidi pa laga polítika un banda “pa nos realisá nos tarea humanitario”. El a añadí ku no por warda i negoshá i ku “nos ta rekerí akseso liber” pa yuda e pueblo na nortwèst di Siria, asina Benlamlih a agregá.
Kasi tur yudansa humanitario destiná pa zonanan rebelde ta pasa desde Turkia via Bab al-Hawa, kual a keda afektá pa e temblor, segun Nashonnan Uní.
Tur yudansa riba teritorio di Siria, kontrolá pa Damascus ta difísil. E régimen mester outorisá pa entrega suministro na e pueblo den e zona rebelde.
