MEXICO, MEXICO, AFP.- E gobièrnu kolombiano i e gueria di ELN a selebrá e terser siklo di negosiashon pa pone fin na kasi seis dékada di konflikto armá, segun indikashon di ámbos parti djárason na Mexico.
E delegadonan no a bisa riba ki fecha e ròndu nobo aki lo tuma lugá. E diálogonan tabata tumando lugá na Mexico desde 13 di febrüari último.
La Habana tabata sede di e negosiashonnan ku a desmobilisá Forsa Armá revolushonario di Colombia (FARC), un di e guerianan di mas grandi di e pais durante vários aña largu.
E presidente kubano, Miguel Diaz Canel a bisa ku ta un honor pa Cuba pa aseptá e petishon ofisial di e gobièrnu di presidente Gustavo Petro i Ehérsito Liberashon Nashonal pa kontinuá ku e diálogo na La Habana.
Riba 26 di febrüari, e negoshadónan a informá ku e gobièrnu kolombiano a rekonosé ELN komo un “organisashon polítiko armá rebelde”.
E kombersashonnan di pas a kuminda ku e gobièrnu di eks presidente Juan Manuel Santos, kual su susesor Ivan Duque a para na aña 2019.
