SEUL, AP.- E lider norkoreano Kim Jong Un a bisa na e presidente surkoreano Moon Jae-in den su kumbre históriko ku su pais ta dispuesto na bandoná su armanan nuklear si Merka komprometé ku e fin formal di e Guera di Korea i ta primintí di no ataká Nort, asina funshonarionan di Seul a bisa djadumingu.
Kim a primintí den e reunion di djabièrnè, ku den mei lo sera sitionan di ensayonan nuklear di su pais i revelá e proseso na ekspertonan i periodistanan di Sur Korea i Merka, segun indikashon di e ofisina di presidensia surkoreano.
Ounke tin vários pregunta, tokante si Norkorea realmente ta renunsiá su arsenal nuklear, e komentarionan di Kim ta representá e rekonosimentu mas spesífiko di Pyongyang ku “desnuklearisashon” ta konstituí abandono di armanan atómiko.
E asesor di seguridat nashonal di Merka John Bokton a reakshoná friu na e loke Kim a bisa, di laga armanan nuklear di Merka primintí di no invadí.
“Loke mi kier ta evidensia ku e kos aki ta real i no simplemente un kuenta”.
